Month: April 2022

Sot përfundoi Kampionati evropian i shkollave në të cilin Kosova u përfaqësua me 4 pjesëmarrës/e.

Në grupmoshat deri në 17 vjet Ahmet Jusufi startoi nga pozita e shtatë dhe përfundoi në pozitën e shtatë me 1.5 pikë të tubuara nga 9 ndeshje. Grup mjaft i fortë në të cilin ishin edhe 4 shahistë me tituj ndërkombëtarë.

Alaudin Shtavica garoi në grupin deri në 15 vjet dhe nga 7 xhiro i tuboi 4 pikë dhe i fitoi19 pikë elo me që rast u plasua në vendin e pestë. Startoi nga pozita e tetë.

Në grupin e vajzave deri në 17 vjet Rinesa Saraçi nga 7 xhiro arriti t’i tubojë 2.5 pikë. Njësoj sikurse edhe Ahmeti, ajo e kishte grupin mjaft të fortë. Startoi nga vendi i gjashtë dhe u plasua në vendin e shtatë.

Rona Sharku garuesja në grupin e vajzave deri në 13 vjet me tri pikë arriti të plasohej në vendin e 17-të. Startoi nga pozita e 19-të.

Urojmë që kjo garë të ndikojë pozitivisht dhe t’ju japë vullnet që në vitet në vijim të përparojnë edhe më shumë në lojën e shahut.

Rezultatet Individuale :

Rezultatet Individuale :

Ahmet Jusufi : http://chess-results.com/tnr630382.aspx?lan=0&art=9&fed=KOS&turdet=YES&flag=30&snr=1

Alaudin Shtavica : http://chess-results.com/tnr630381.aspx?lan=0&art=9&fed=KOS&turdet=YES&flag=30&snr=8

Rinesa Saraçi : http://chess-results.com/tnr630376.aspx?lan=0&art=9&fed=KOS&turdet=YES&flag=30&snr=6

Rona Sharku : http://chess-results.com/tnr630374.aspx?lan=0&art=9&fed=KOS&turdet=YES&flag=30&snr=19

Sot u mbajt takimi i rradhës i Kryetarit të Federatës së Shahut të Kosovës z.Armend Budima me Kryetarin e Komunës së Gjilanit z. Alban Hyseni.

Takimi ishte shumë konstruktiv dhe përmbajtësor ku u diskutua bashkëpunimi i ndërsjellë me qëllim të avansimit të lojës së shahut si një mjet i fuqishëm arsimor dhe edukativ tek të rinjtë e Komunës së Gjilanit.

Gjithashtu temë e diskutimit ishte edhe sigurimi i parcelës për ndërtimin e Shtepisë së Shahut, projekt i rëndësishëm infrastrukturor i cili do t’ju mundësonte të rinjëve , shahistëve, klubeve dhe të moshuarve zhvillimin e aktiviteteve sportive ( lojës së shahut), e njëkohësisht do të ishte adresa e përhershme për zhvillimin e lojës së shahut në të ardhmen .

Federata e Shahut e Kosovës e morri mbështetjen për këtë projekt dhe kryetari z.Alban Hyseni u zotua se kërkesën tonë do ta përkrahin dhe njëkohësisht do ta percaktojnë hapësirën ku mund të realizohet ky projekt.

Federata e Shahut e falëmnderon Kryetarin e Komunës së Gjilanit z.Alban Hyseni për mbështetjen e dhënë e njëkohësisht zotohet se duke punuar së bashku mund ta realizojmë këtë projekt kaq të rëndësishëm për Komunën e Gjilanit e në veçanti për komunitetin e saj.

Nga data 20.04.2022 në Rodos të Greqisë është duke u zhvilluar Kampionati Evropian i Shkollave në të cilin po marrin pjesë 195 pjesëmarrës të moshave 7 – 17 vjeçar. Në mesin e tyre janë edhe 4 pjesëmarrës nga Kosova të cilët po i udhëheq selektori Albert Zenuni. Është një kampionat i rangut mesatar në të cilën shahistët dhe shahistet tona kanë mundësi të mirë të përfitojnë përvojë e njëkohësisht t’i matin forcat me moshatrët e tyre nga vende të ndryshme të Evropës. Djelmoshave dhe vajzave tona urojmë suksese .

Rezultatet Individuale

Ahmet Jusufi : http://chess-results.com/tnr630382.aspx?lan=0&art=9&fed=KOS&turdet=YES&flag=30&snr=1

Alaudin Shtavica : http://chess-results.com/tnr630381.aspx?lan=0&art=9&fed=KOS&turdet=YES&flag=30&snr=8

Rinesa Saraçi : http://chess-results.com/tnr630376.aspx?lan=0&art=9&fed=KOS&turdet=YES&flag=30&snr=6

Rona Sharku : http://chess-results.com/tnr630374.aspx?lan=0&art=9&fed=KOS&turdet=YES&flag=30&snr=19

          Organizuar nga Klubi Shumë Sportesh “Teuta”  me perkrahjen e FSHSH

                                                              më 24.04.2022

Në një atmosferë të bukur sportive me pjesëmarrjen e 100 shahistëve të të gjitha moshave  nga Shqipëria, Kosova, Mali I Zi dhe Maqedonia e Veriut, ,u zhvillua “Turneu në shahun rapid “DURRES OPEN 2022”. Kosova u përfaqësua me 7 shahistë të cilët me pjesëmarrjen e tyre deshën ta nderojnë organizatorin. U luajtën gjithsejt 9 xhiro / 10min+3sec dhe në bazë të rejtingut ndërkombëtarë shihej se për titullin e më të mirit do të vendosin 6 shahistë (2 ALB, 2 KOS, 2 MNE). Siç parashihej ashtu edhe erdhi.Ndeshjet direkte ndermjet favoritëve e vendosën kampionin. IM Ilir Seitaj Me 7 fitore dhe 2 barazime me gjithsejt 8 pikë u shpall kampion i këtij turneu. Vendi i dytë i takoi IM Nderim Saraçit dhe vendi i tretë IM Llambi Pasko.

Tabela :  Schachturnier-Ergebnisserver Chess-results.com – DURRES OPEN 2022 / Rapid 24.04.2022

Kampionati Individual Evropian 2022 mblodhi gjithsejt 315 shahistë nga 40 vende të Evropës prej të cilëve 254 ishin me tituj. Me sanksionet ndaj shahistëve Rus dhe Bellorus konkurenca për titullin e më të mirit u zbeh por ky ishte një rast i mirë për shahistët e shteteve tjera që ta shfrytëzojnë këtë rast dhe të arrijnë rezultate të mira. Ashtu edhe erdhi në fund. Titullin e më të mirit e mori kryemjeshtri gjerman Matthias Bluebaum (2642) i cili nga 11 ndeshje tuboi 8.5 pikë aq sa kishte edhe kryemjeshtri i Armenisë në vendin e dytë Gabriel Sargissian.

Në mesin e pjesëmarrësve ishin edhe 4 shahistë kosovarë : IM Nderim Saraçi, FM Endrit Uruçi, Korab Saraçi dhe Fatmir Qorri.

IM Nderim Saraçi startoi me humbje të papritur në xhiron e parë dhe iu desh kohë që të këndellet nga kjo humbje e cila tani ia vështirësonte qëllimin e tij që ishte marrja e normës së dytë për titullin GM. Me 4 barazime rradhazi pothuajse ky qëllim mori fund por fitorja e tij në xhiron e dhjetë kundër kryemjeshtrit hungarez Gergely ishte vëtretë art në veti. Stratoi nga vendi 111 dhe përfundoi në vendin 84 me 6.5 pikë.

FM Endrit Uruçi qëllimi i të cilit në këtë garë ishte norma e parë për titullin IM, në xhiron e parë nuk i erdhi kundërshtari dhe kjo fitore pa lojë bëri që në katër xhirot e rradhës të ketë kundërshtarë të fortë me një mesatare prej 2500 ELO. Tregoi lojë mjaft të mira e sidomos kundër IM slloven Boris Markoja të cilin e mposhti në xhiron e shtatë. Ishte shumë afër qëllimit të tij por në fund i mungoi vetëm një gjysmë pike të cilë ndoshta edhe do ta kishte arritur sikur kundërshtari i tij serb FM Damjanovic (2406) të paraqitej në ndeshjen e xhiros së nëntë. Nuk duam të mirremi me paragjykime se a ishte ky një shkas politik por paraqitja e tij në xhiron e rradhës na bënë të dyshojmë se mosparaqitja e tij kundër Endritit ishte e qëllimshme dhe politike. Mendoj se edhe organizatori në krye me referen kryesore nuk kanë qenë korrekt në këtë rast sepse sipas rregullores në sistemin zviceran nëse shahisti mungon në një xhiro ma nuk ka të drejtë ta vazhdojë garën. Startoi nga vendi 210 dhe përfundoi në vendin 114 me 6.0 pikë.

Korab Saraçi startoi me fitore me rënien e flamurit kundër kryemjeshtrit suedez Blomqvist dhe në 5 xhirot në vijim kishte të bëjë me kundërshtarë me një mesatare prej 2400 ELO. Me fitore në xhiron e fundit kundër IM sllovak Tamas Peternyi (2451) përfundoi me 5 pikë në vendin 208. Stratoi nga vendi 239.

Fatmir Qorri e bëri përvojën e tij të parë në një kampionat të këtij rangu. Me problemet e tij shëndetësore që iu shfaqën gjatë kampionatit arrit t i tubojë 3 pikë nga 9 ndeshje.