Takimi i rradhës në kuadër të takimeve me krerët e 7 komunave më të mëdha të Kosovës

Me datën 15.09.2022, u mbajt takimi i rradhës i Kryetarit të Federatës së Shahut të Kosovës z.Armend Budima me Kryetarin e Komunës së Pejës z.Gazmend Muhaxheri.

Ne takim u diskutua mundësia e sigurimit të parcelës për ndërtimin e Shtëpisë së Shahut, projekt i rëndësishëm infrastrukturor i cili do të mundësonte zhvillimin e lojës së shahut përkrahë sporteve të mirënjohura në Komunën e Pejës si Xhudo,Futbolli,Basketbolli, Hendbolli etj.

Federata e Shahut e Kosovës morri mbështetjen për këtë projekt nga kryetari z.Gazmend Muhaxheri, i cili u zotua se do të shikoj të gjitha mundësite që ky projekt të realizohet në Komunën e Pejës e njëkohësisht të përkrahet më tepër financiarisht edhe Klubi i Shahut”Peja”.

Me këtë rast komunitet i shahistëve dëshiron ta falëmnderoj kryetarin e Komunës së Pejës z.Gazmend Muhaxheri për mbështetjen e tij për projektin tonë, projekt i cili do të mundësoj zhvillimin e lojës së shahut në Komunën e Pejës në 50-vitet e ardhshme.

KAMPIONATI INDIVIDUAL I KOSOVËS PËR GRUPMOSHA TË REJA 2022

Ka perfunduar Kampionati Individual i Kosoves per grupmosha te reja’2022.
Organizuar nga Federata e Shahut e Kosovës nga 13 deri 21 gusht është zhvillua
Kampionati individual i Kosovës për grupmoshat e reja 8-18 vjeç.
Garat u zhvilluan në sallën e shahut të Qendrës së Rinisë dhe Sportit në Prishtinë.
Në këtë kampionat morën pjesë 27 shahistë në të dy konkurrenca(vajza dhe djem).
Pas nje gare shume interesante ne grupe u shpallen edhe fituesit sipas kategorive ( U8-U10,U12-U14,U16-U18).
Fituesit e grupeve do të marrin pjesë në Kampionatin Ballkanik që për herë të parë do të mbahet në Cetinje
të Malit të Zi nga 30 shtator deri më 8 tetor 2022.
Tabela perfundimtare sipas grupeve:

Tabela U8-10,
(Djemt)
1 Troi Krasniqi
2 Uvejs Sharku
3 Diar Reçica

Tabela U8-10,
( Vajzat)
1 Erta Blakçori
2 Era Limanmera

Tabela U12-14,
(Djemt)
1 Sufjan Ruli
2 Mani Ron
3 Liri Basha

Tabela U12-14,
( Vajzat)
1 Jona Reçica
2 Rona Sharku
3 Dua Rexhepi

Tabela U16-18,
(Djemt)
1 Valentin Uruçi
2 Ahmet Jusufi
3 Alaudin Shtavica

Tabela U16-18,
( Vajzat)
1 Rinesa Saraçi
2 Elma Sharku
3 Ariona Sharku

Përfundon Olimpiada e Shahut

Ka përfunduar Olimpiada 44 e Shahut në Chennai të Indisë , ku pjesëmarrëse ishin 188-shtete tek meshkujt si dhe 162-shtete tek femërat. Federata e shahut e Kosovës ishte pjesëmarrëse në këtë ngjarje sportive me dy formacione atë të meshkujve dhe femërave dhe pati paraqitje dinjitoze .

Në plasmanin përfundimtar u radhitën në vendin e 87 me 11 pikë reprezentuesit meshkuj dhe në pozitën e 109 me 10 pikë reprezentueset tona.

Titullin e kampionit e fituan përfaqësuesit e shtetit të Uzbekistanit si dhe tek femërat përfaqësueset e shtetit të Ukrahinës.

Vetë pjesëmarrja e Federatës së shahut të Kosovës në këtë ngjarje sportive përbën sukses në vete sepse shahistët janë sportistët e parë deri tani të cilëve ju mundësua hyrja në shtetit e Indisë dhe u përfaqesuan të barabartë me të gjitha shtetet tjera të botës pjesëmarrëse në Olimpiaden e 44 të Shahut në Chennai të Indisë.

Starton Olimpiada e Shahut ne Chennai te Indise

Federata e Shahut e Kosovës e bën hapin historik me pjesëmarrjen e saj në ngjarjen më të madhe të shahut në bote në vendin i sili deri tani i ka refuzuar të gjithë sportistët kosovarë .

Olimpiada e 44-t e shahut e cila këtë vitë po mbahet në Chennai të Indisë nga data 28.07.2022-10.08.2022, si pjesemarrëse të saj e ka edhe Federaten e Shahut të Kosovës ne mesin e 188-shteteve pjesëmarrëse.

Njarja më e madhe sportive në fushen e lojës se shahut po zhvillohet në shtetin e Indisë dhe Federata e Shahut e Kosovës bëri hapin historik për vendin e saj e siguroi pjesëmarrjen e kombëtares së Kosovës të meshkujve dhe femrave me të drejta të plota në këtë ngjarje sportive, një gjë e cila ka qenë e pamundur deri tani të bëhet nga cili do sport i yni i cili ka tentuar të bëjë gara në teritorin e Indisë.

Kjo tregon se sporti është mbi të gjitha barierat politike si dhe vulneti për pjesëmarje është fuqia më e madhe .

Turneu ndërkombëtar i shahut PRISHTINA 2022

Zvonko Stanojoski-Fitues i Trofeut “Prishtina 2022”, pas tij Nderim Saraçi dhe Alban Krasniqi

Organizuar nga Federata e Shahut e Kosovës në Hotelin Grand Prishtina pas 7 ditë garash ka  përfundua Turneu Ndërkombëtar i shahut “Prishtina 2022”. Në këtë turne kanë marrë pjesë 60 shahistë nga 5 shtete, nga Shqipëria, Maqedonia, Hungaria, Bosnjë e Hercegovina dhe mikpritësi Kosova. Në Prishtinë për një javë pjesëmarrës ishin shahistë të dalluar, 2 Kryemjeshër, 4 Mjeshtër Ndërkombëtar dhe 5 Mjeshtër FIDE.

Garat janë  zhvilluar sipas Sistemit Zvicëran me 9 xhiro.

Konkurrenca për të fituar Trofeun e Prishtinës këtë vit ishe shumë e madhe. Madje në xhiron e fundit, 9 shahistë patën nga 6 pikë. Në çastet e fundit u përcaktua fituesi.

Fitues doli, Zvonko Stanojoski nga Maqedonia e Veriut i cili pos trofeut Prishtina 2022, fitoi çmimin kryesor në vlerë prej 1000 euro. Po aq pikë patën edhe Nderim Saraçi dhe Alban Krasniqi, por fituesi u përcaktua në bazë të pikëve të Buhollcit. Alban Krasniqi në xhironë e fundit shënoi fitore kundër Kryemjeshtrit nga Bosnjë e Hercegovina, Emir Dizdareviq.

Kupën fituesit të këtj turneu, Zvonko Stanojoski ia dorëzoi, Armend Budima, kryetar i Federatës së Shahut të Kosovës.

Në këtë turne u shpërblyen 10 shahistë më të dalluar, pati edhe dy çmime speciale.

Çmimet për elo 2200/Osman Saraçi dhe Jeton Çerkini/, për elo 2000/Besnik Aliu dhe Bashkim Shkurti/. U shpërblyen edhe tri femra: Arlinda Aliu, Ndriqona Saraçi dhe Rinesa Saraçi. Për Grup moshën U-18, më të dalluarit ishin, Ahmet Jusufi dhe Alaudin Shtavica. U nda edhe çmimi për veteranë/ Mahmut Xheladini dhe Bedri Sadiku/. Fondi shpërblyer për këtë turne ishte 5000 euro.

Gjatë mbajtjes së këtij turneu, drejtësinë e ndanë: Burhan Misini/kryesor/, Besnik Berisha, Nita Saraçi dhe Bujar Shita.

Në fund do theksuar se para fillimi të këtij turneu, drejtuesit e Federatës së Shahut të Kosovës kishin një marrëveshje me Komunën e Prishtinës për bashkorganizimin e kësaj gare ndërkombëtare, por ata nuk u panë asnjëherë gjatë këtij turneu, ndonëse zyrtarisht ishin të ftuar.

Rezultatet, tabela dhe lojët : Schachturnier-Ergebnisserver Chess-results.com – Turneu Nderkombetar PRISHTINA 2022

Kupa individuale evropiane për nxënës 2022

Gjatë javës së dytë të muajit qershor, në CETINJE të MALIT TË Zi u mbajt Kupa Individuale Evropiane për nxënës në të cilën morën pjesë gjithsejt 109 shahistë dhe shahiste nga 8 shtete evropiane prej të cilëve 6 nga Kosova. Edhepse ishte e paraparë që kjo garë të zhvillohet në 5 grupe të ndara sipas moshave . 9, 11, 13, 15, dhe 17, për shkak të numrit të pamjaftueshëm garuesish, ata u ndanë në tri grupe 9, 13 dhe 17 gjë që moshat 10, 11 dhe 12 si dhe moshat 14, 15 dhe 16 u desht të luajnë në grupe me pjesëmarrës gjer në tri vjet më të vjetër e që ishin duele të pabarabarta.

U luajtën gjithsejt 9 ndeshje në secilën kategori. Në kategorinë U13 u përfaqësuam nga vëllau dhe motra Uvejs dhe Rona Sharku nga Rahoveci të cilët ishin edhe më të suksesshmit nga garuesit tonë me nga 5 pikë. U rradhitën në vendet 13 dhe 16.

Në kategorinë U17 Ahmet Jusufi, Rinesa Saraçi, Jona Reçica dhe debutuesja Dua Rexhepi kishin punë më të vështirë sepse u ballafaquan me shahistë më të fortë dhe me ma përvojë. Me gjithsejt 3.0 – 4.5 pikë u radhitën nga vendi  24 – 49.

Liga e dytë e Kosovës 2022

Ferizaji dhe Theranda në elitën e shahut të Kosovës

Pas pesë ditë garash të zhvilluara në ambientet e Hotelit Grand Prishtina kanë përfunduar garat e Ligë së dytë të Kosovës në shah.

Në këtë kampionat që u organizua nga Federata e Shahut të Kosovës, pjesëmarrëse ishin 17 ekipe të cilat garat i zhvilluan sipas Sistemit zvicerran me 7 xhiro. Ferizaji me plotë meritë fitoi titullin e kampionit dhe edicionin e radhës do të jetë anëtar i elitës së shahut të Kosovës.

Takimi, Therranda-Vëllaznimi përfundoi me rezultat të barabartë 3:3, një rezultat të cilin askush nuk e kuptoi përpos akterëve të kësaj ndeshjeje. Me këtë pikë të fituar Theranda me 10 pikë, sa pati edhe Sharri, siguroi pjesëmarrjen në elitën e shahut të Kosovës.

Paraqitje shumë të mirë pati edhe Sharri i Dragashit i cili tuboi 10 pikë dhe zuri  vendin e tretë sa pati edhe nënkampioni, por përcaktuese për plasmanin përfundimtar ishin pikët individuale. Ekipi i Vëllaznimit ishte shumë afër suksesit të plotë, por barazimi me Therrandën 3:3 e la larg realizimit të qëllimit për tu inkuadruar në rang më të lartë garash. Por, vendi i katërt me 9 pikë është më se i merituar. Nga ekipet e tjera renditja është reale dhe pa ndonjë befasi.

Gjatë pasditës së sotme, shahistët i vizitoi, Ministri i Kulturës, Rinisë dhe Sportit, Hajrullah Çeku  dhe përsëafërmi u informua nga Armend Budima, kryetar i Federatës së Shahut të Kosovës për rrjedhën e garave dhe veprimtaritë e tjera të shahut të Kosovës.

Superliga e Kosovës 2022 – Dardania kampione

Dardania kampione e Kosovës

Pas pesë ditë garash  të zhvilluara në ambientet e Capital-Gate ka përfunduar Kampionatit ekipor të Super Ligës së Kosovës në shah. Garë kjo e organizuar nga Federata e Shahut e Kosovës. Në këtë kampionat morën pjesë 6 ekipe nga të cilat pati lojëra cilësore dhe korrekte. Ashtu si edhe në kampionatin e shkuar edhe në këtë kampionat kampioni u përcaktua në xhironë e fundit. Për këtë titull u përballën dy ekipet e kryeqytetit, Dardania dhe Drejtësia.Takimi Dardania-Drejtësia përfundoi me rezultat të barabartë 3:3. Kështu Dardania me 4 fitore dhe një barazim me 9 pikë të tubuara për herë të parë fitoi titullin e kampionit të Kosovës për vitin 2022. Kampioni i vjetëm Drejtësia me 3 fitore dhe dy barazime me 8 pikë është nën kampione. Prishtina shënoi fitore kundër Hyzri Tallës 3,5:2,5. Me këtë fitore ata u renditën në pozitën e tretë me 5 pikë, kurse Prizreni mposhti Drenicës me rezultat të thellë 5:1.

Nga Superliga e Kosovës, largohen Deçani dhe Istogu të cilat nuk morën pjesë në garat e këtij kampionati.

Dy anëtarët e rinj të Superligës do të dihet pas garave që që do të zhvillohen në Prishtinë nga 4 deri më 8 qershor.

Kampioni i Kosovës, Dardania ka fituar të drejtën të jetë pjesëmarrës në Kupën e Evropës që do të mbahet nga 2 deri më 10 tetor 2022 në Mayrhofen të Austrisë.

Superliga e Kosovës 2022

Në ambientet e Capital-Gate, ka fillua Kamionati ekipor i Kosovës në shah. Në këtë kampionat që zgjatë nga 21 deri më 25 maj po marrin pjesë 6 ekipe të cilat do të luftojnë për titullin e kampionit. Kampionatin e shpalli të hapur, Armend Budima, kryetar i Federatës së Shahut të Kosovës duke iu uruar ekipeve pjesëmarrëse sukses dhe lojëra korrekte.

Dardania, Prishtina, Prizreni, Hyzri Talla. Drejtësia dhe Drenica.

 Zhgënjyese është tërheqja e dy klubeve Istogu dhe Deçani të cilat sado pak e zbehën këtë garë.

Në xhiron e parë, Dardania nga Prishtina, ka shënuar fitore të thellë ndaj ekipit Hyzri Talla të Podujevës 5,5:0,5, kurse Prizreni dhe Prishtina luajtën baras 3:3. Takimi Drenica-Drejtësia u luajt të dielën nga ora 10,00 dhe ekipi prishtinas e fitoi ndeshjen me rezultat 4 :2.

Në takimet e xhirosë së 2-të ekipet nga kryeqyteti shënuan fitore. Drejtësia ka shënuar fitore ndaj Hyzri Tallës 5,5:0,5, Dardania ka mposhtur Prizrenin 4,5:1,5, kurse Prishtina ka shënuar fitoren e parë duke mundur Drenicës 4:2.

Pas xhirosë së 2-të, kryesojnë Drejtësia dhe Dardania me nga 4 pikë, Prishtina ka 3 pikë, Prizreni 1 pikë, kurse Drenica e Hyzri Talla pa pikë.

Takimet e xhirosë së 3-të, zhvillohen sot, më 23 maj nga ora 15,00.

Luajnë:

Hyzri Talla-Drenica

Drejtësia-Prizreni

Dardania-Prishtina

Linku i rezultateve : http://chess-results.com/tnr640453.aspx?lan=0&turdet=YES

Turneu kualifikues për Kampion bote

Nga 16.06 – 07.07.2022 në Madrid të Spanjës do të fillojë turneu kualifikues për kampion bote në të cilin do të marrin pjesë 7 shahistët e kualifikuar në turnetë Grand Prix të cilëve iu bashkangjit kinezi Liren Ding pas suspendimit të rusit Sergey Karjakin për shkak të deklaratave të tij pro-luftës në Ukrainë. Do të luhet sipas sistemit berger me ndeshje kthyese dhe fituesi do të takohet në vitin 2023 (data dhe vendi ende të panjohura) në ndeshjen finale për kampion bote kundër Magnus Carlsen. Natyrisht vëmendja e dashamirëve të shahut është e kthyer nga Alireza Firouzja i cili pas marrjes së nënshtetësisë franceze ka treguar rezultate mahnitëse sidomos në Kampionatin Ekipor Evropian, dhe sipas shumë njohësve të shahut do të jetë një kundërshtar i papërshtatshëm për kampionin aktual botëror.

Kandidatët :

  1. Liren Ding – Kina – Elo 2806
  2. Alireza Firouzja – Francë – Elo 2804
  3. Fabiano Cauana – SHBA – Elo 2786
  4. Richard Rapport – Hungari – Elo 2776
  5. Jan Nepomniachtchi – Rusia – Elo 2773
  6. Hikaru Nakamura – SHBA – Elo 2760
  7. Teimour Radjabov – Azerbejxhan – Elo 2753
  8. Jan-Krzysztof Duda – Poloni – Elo 2750