Category: Lajme

Kampionati ekipor i Kosovës është mbajtur nga data 17.05-22.05.2024, në hapësirat e Capital Gate në Prishtinë. Përgjatë tërë kampionatit u treguan lojë shumë cilësore të shahut si dhe rivaliteti në mes klubeve ishte i lartë si për titullin e Kampionit te Kosovës ashtu edhe për mbetjen e klubeve në Super Ligë! Në fund, me plotë meritë doli kampion KSH”Drejtësia-Trokadero” e cila i shënoi 6-fitore dhe pësoi vetëm një humbje nga nën-kampion KSH”Dardania” dhe me 12-pikë nga 14-pikët e mundshme u shpall kampion për të 11-herë.
Nga Super Liga u larguan KSH”Vëllaznimi” dhe KSH”Peja” të cilat u klasifikuan vitin e kaluar nga Liga e dytë, mirëpo nuk aritën që ta mbajnë statusin e klubeve të Super Ligës!, në fund plasmani përfundimtarë ishte:

SUPER LIGA:

1. KSH”DREJTЁSIA-TROKADERO” 12-pikë
2. KSH”DARDANIA” 10-pikë
3. KSH”FERIZAJI” 8-pikë
4. KSH”PRIZRENI” 8-pikë
5. KSH”PRISHTINA” 7-pikë
6. KSH”HYZRI TALLA” 6-pikë
7. KSH”VЁLLAZNIMI” 2-pikë
8. KSH”PEJA” 2-pikë

Kampioni ekipor i Kosovës do ta perfaqëson Kosovën në Kampionatin Evropian Ekipor i cili do të mbahet nga data: 19.10-27.10.2024, në Vrnjacka Banja, Serbia.

Republikën e Kosovës në Kampionatin Evropian për senior(+65) e cila po mbahet në Terme Čatež të Slovenisë po e përfaqëson reprezentacioni i saj në këtë formacion:

1. Bedri Sadiku (IM)
2. Mahmut Xheladini (FM)
3. Fatmir Bujupi
4. Xhevat Suhogërlla dhe
5. Shemsedin Sherifi

Veteranëve tanë ju dëshirojm sukses në këtë garë prestigjioze Evropiane dhe ta perfaqësojnë vendin tonë
në mënyren më të mirë të mundeshme!

Gjajtë kampionatit botëror për grupmoshat deri 12-vjeç të mbajtur në Durrës të Shqipërisë, kryetari i FSHK-s Armend Budima zhvilloj një takim me kryetarin e FIDE-s z.Arkady Dvorkovich, ku u bisedua për bashkëpunimin më të ngushtë në mes Federatës Botërore të Shahut dhe Federatës së Shahut të Kosovës si dhe u diskutua mundësia që për herë të parë në historin e FIDE-s një kryetar i saj ta vizitoj Kosovën personalisht!
Takimi ishte miqësor dhe biseda ishte e hapur për qështje dhe propozime të ndryshme për avansimin e shahut në vendin tonë ku mbeshtetja e FIDE-s nuk do të mungoj.

Tani edhe ju mund të bëheni pjesë e Federatës së Shahut të Kosovës përmes aplikacionit “DHURO“,
ku mund të kontriboni në zhvillimin e shahut në Kosovë përmes mbledhjes së fondeve të cilat
drejtëpërdrejt shkojnë në zhvillimin e shahut tek të gjitha kategoritë e saja.

Njoftim: Tani për tani mund të jepni donacioni përmes kartelave bankare, Mastercard dhe Maestro
si dhe përmes e-banking nga bankat e Kosovës, e në një të afërme jo të largët edhe përmes
karteles bankare,VISA.

Ju falmënderohemi për çdo kontribut të juajin,
Federata e Shahut e Kosovës

Nderim Saraçi arin ti unifikoj të tre titujt e Kampionit të Kosovës për vitin 2023,
ai pergjatë Festivalit të Shahut të mbajtur në ambientet e Hotelit “AFA” në Prishtinë
ariti që ti fitoj titujt e Kampionit në shahun standard,rapid dhe blitz!.
Përveq që i fitoj titujt edhe rezultatet e tij ishin mbresëlënëse , në Kampionatin
Individual në tempon e lojës Standarde ariti ta fitoj titullin me 9-pikë nga 9-lojë
( rezultat i Fisherit!), në atë RAPID e fitoj titullin e Kampionit me 8-pikë nga 9-lojë
( vetëm dy barazime), si dhe në tempon e lojës BLITZ dul fitues me 13-pikë nga 13-lojë,
që tregon performacë fenomenale të tij përgjatë gjithë kampionatit.
Nderimit i urojm sukses edhe në rrugëtimin e tij për KRYEMJESHTЁR!

Në garën e femrave, Arlinda Aliu mbrojti titullin e kampiones së Kosovës për femra me fitoren e saj në xhirron e fundit ndaj Lorenda Saraçit. Arlinda grumbulloi 6.5/7, duke fituar gjashtë ndeshje dhe duke barazuar me Jona Reçicën. Ky është titulli i katërt kombëtar i Arlinda Aliut!

Në Kampionatin Botëror për të rinj të zhvilluar në Montesilvano të Italisë ku
pjesëmarrës ishin edhe të rinjët nga Kosova në tri kategori ( U14,U16,U18),
Rinesa Saraçi e arinë rezultatin më të mirë për femëra ndonjëhere të aritur
nga shahistet tona të reja, ajo me 6-pikë nga 11-lojë të zhvilluara radhitet
në vendin e 39 në botë nga 86-pjesëmarrëse në kategorinë e saj.
Ky sukses i të rinjëve dhe të rejave tona tregon se shahu tek moshat e reja
ka filluar të zhvillohet dhe të ketë sukses edhe në arenën ndërkombëtare.

Kampionati Botëror për të rinj 2023 do të mbahet në Montesilvano, Pescara të Italisë nga data: 13.11-24.11.2023. Në mesin e pjemëmarrëseve nga mbarë bota do të jenë këta shahistë të rinj dhe shahiste të reja nga Kosova:

Tek të rinjët:

1. LIR BASHA (U14)
2. ALAUDIN SHTAVICA (U16)
3. AHMET JUSUFI (U18)

Tek të rejat:

1. RONA SHARKU (U14)
2. JONA REÇICA (U16)
3. RINESA SARAÇI(U18)

Në mesin e 187 pjesëmarrësve të moshës deri 14-vjeçare tek të rinjët Kosovën do ta përfaqësoj LIR BASHA , ndërsa në kategorinë deri në moshën 16-vjeçare në mesin e 143-shahistëve nga mbarë bota do ta kemi shahistin tonë ALAUDIN SHTAVICA, si dhe në kategorinë më të fortë të shahistëve të rinj deri në moshën 18-vjeçare në mesin e 129-pjesëmarrësve, Kosova do të përfaqësohet me AHMET JUSUFIN.

Tek vajzat e reja në kampionatin Botëror, Kosovën do ta përfaqësoj tek 14-vjeçaret RONA SHARKU e cila do të jetë pjesëmarrëse së bashku me 130 shahistet nga mbarë bota, ndërsa në kategorinë deri në moshën 16-vjeçare në mesin e 107 shahisteve të kësaj moshe do të jetë JONA REÇICA, si dhe në kategorinë më të fortë tek 18-vjeçaret RINESA SARAÇI do te jetë në mesin e 85-shahisteve më të mira botërore.

Kjo është ngjarja më e madhe Botërore dhe Kosova pas nje kohe shumë të gjatë dërgon shahistet dhe shahistët e rinj më të mirë respektivisht Kampionët e Kosovës të kategorive përkatëse.

Për pjesëmarjen e shahistëve tanë edhe Federata Botërore e Shahut ( FIDE ) ka lëshuar një deklarat ku thotë:

” Shahistët e talentuar dhe premtues nga Kosova janë gati të lënë gjurmë në Kampionatin Botëror të të rinjve FIDE!
Delegacioni Kosovar do të shfaqë shkëlqimin e saj në skenën globale prandaj të bashkohemi në mbështetje dhe të brohorasim për suksesin e tyre!”

Kampionati Evropian i Kombëtareve 2023 do të mbahet në Budva të Malit të Zi nga data: 10.11-21.11.2023.
Pjemëmarrëse janë kombëtaret nga 38-shtete Evropiane dhe në mesin e tyre edhe kombëtarja jonë , e cila
këtë vit paraqitet me një kombëtare të përtrirë e përbërë nga këta shahistë:

1. NDERIM SARAÇI (IM)
2. ENDRIT URUÇI (FM)
3. MUHAMET ASLLANI
4. KORAB SARAÇI (CM)

Në mesin e pjesëmarrëseve të cilët përfaqësojnë komëtaret e tyre janë edhe disa nga shahistët më të mirë
Evropian dhe Botëror duke perfshire shahistin më të mirë në botë No.1 Magnus Carlsen ( NOR), si dhe
Richard Rapport ( ROU),Teimour Radjabov ( AZE),Shakhriyar Mamedyarov(AZE),Vincent Keymer(GER) etj.

Kjo është ngjarja më e madhe Evropiane për shtete pjesëmarrëse dhe reprezentacionit Kosovar i dëshirojmë
sukses dhe paraqitje dinjitoze në këtë garë prestigjioze.

Pas 8-dite garash në Durrës përfundon Kampionati Evropian për klube ku pjesëmarres ishin
edhe 3-klubet më të mira të Kosovës.
Kampion në konkurencen e meshkujve shpallet, klubi i shahut”Offerspill Sjakklubb” nga Norvegjia
e cila në rradhët e veta e pati Magnus Carlsen shahistin më të mirë momentalisht në botë dhe i
cili nga shumë expert të shahut konsiderohet shahisti më i mirë në historinë e shahut deri në
ditët e sotme, ndërsa në konkurencën e femërave kampione u shpall klubi i shahut”Superchess”
nga Rumania.
Klubet e Kosovës patën paraqitje shumë të mirë krahasuar me numrin e klubeve pjesëmarrëse dhe
krahasuar me konkurencën e cila ishte prezente në këtë kampionat, plasmani përfundimtar ishte:

1. Klubi i Shahut” Drejtesia-Trokadero” me 8-pikë zuri vendin e 36-t.
2. Klubi i Shahut” Dardania” me 6-pikë zuri vendin e 55-t si dhe
3. Klubi i Shahut” Ferizaji” me 4-pikë zuri vendin e 72-t nga 84 klube pjesëmarrëse.

Organizimi i Kampionatit ishte në nivel të duhur dhe për këtë lavdatat shkojnë për Federatën e
Shahut të Shqipërisë e cila i tregoj Evropës dhe Botës se organizime të tilla mund të bëhen
edhe në tokat shqiptare.

Kampionati ekipor Botëror i veteranëve për lojtarët mbi moshën (50+) si dhe (65+), do
të zhvillohet nga data 18.09-29.09.2023, në Strugë, Liqeni i Ohrit, në Maqedoninë e Veriut.
Në këtë garë eminente shahu do të marr pjesë edhe ekipi i seniorëve të Kosovës të moshës
mbi 65 vjeç (65+), për herën e parë në historinë e shahut Kosovar.

Ekipi i Kosovës do të jetë në këtë përbërje:

1. Bedri Sadiku ( IM)
2. Mahmut Xheladini ( FM)
3. Xhevat Suhogërlla
4. Sabahudin Kollari
5. Fatmir Bujupi

Veteranëve tanë ju dëshirojmë sukses në këtë garë prestigjioze!