Pas garave disa-javore përfundoj Kupa e Kosovës për ekipe, ku triumfoj KSH”Dardania”nga Prishtina, ata në pjesën finale të kësaj gara së pari e munden KSH”Ferizaji” me rezultat 2.5-1.5(në gjysëm-finale), ndërsa në finale mposhtën kampionin aktual të Kosovës, KSH”Drejtësia”, me rezultat 3:1, dhe me plotë meritë fituan Kupën e Kosovës për vitin 2024. Pjesë përbërse e ekipit fitues ishin: -Nderim Saraçi -Korab Saraçi -Ardian Jashari -Alban Krasniqi -Gani Hamiti -Armend Budima
Kampionati Evropian i shahut amator 2024 u zhvillua nga 24 gusht deri më 1 shtator në Mali Lošinj, Kroaci.
Ngjarja u luajt në tre kategori : U1700, U2000 dhe U2300 dhe fituesit e secilës kategori u kurorëzuan me titullin Kampionë Evropianë të shahut amator për kategorinë përkatës të raitingut.
Megjithë humbjen në raundin e fundit, Korab Saraçi (KOS, 2186) doli fitues i vetëm i turneut në kategorinë U2300, duke tubuar 6.5 pikë. Tre lojtarë të tjerë luftuan për medaljen e argjendtë duke shënuar nga 6 pikë secili: Luka Skuhala (SLO, 2145), Loris Tavernier (FRA, 2008) dhe Muhamet Asllani (KOS, 2232), por Luka Skuhala pati taebreak-un më të mirë për të fituar medaljen e argjend, Loris Tavernier fitoi medaljen e bronztë, ndërsa Muhamet Asllani përfundoi i katërti. Lojtarja më e mirë e renditur në këtë garë ishte Olena Lutsenko (SLO, 1761) e cila fitoj titullin e Kampiones Evropiane të shahut amator për femra 2024 në kategorinë U2300.
Në ceremonin e mbylljes së aktivitetit mori pjesë edhe zëvendëspresidenti i ECU z. Alojzije Janković, i cili iu drejtua lojtarëve si dhe mori pjesë në ceremoninë e ndarjes së çmimeve.
Në garat Evropiane për kadetë nga mosha 8-vjeçare deri në moshën 14-vjeçare e cila është mbajtur në qytetin e Mureck-ut të Austrisë, LIR BASHA doli kampion Evropian deri ne moshën 14-vjeçare, ai doli fitues me 7-fitore dhe 2-barazime nga 9-lojët e zhvilluara. Kosova në këto gara Evropiane ishte e përfaqësuar nga:
LIR BASHA (U14)
TROI KRASNIQI (U12)
JAKOB BUZHALA (U12) dhe
UJVES SHARKU (U12)
Të gjithë përfaqësuesit e rinjë të Kosovës kishin paraqitje dinjitoze në këto gara, gjë që tregon se kualiteti i shahistëve tanë të vegjël është në rritje dhe tani vetëm se kanë filluar ti korrin frytet e punës së tyre. Rezultatet e shaistëve tanë të tjerë ishte:
Troi Krasniqi vendi i 8
Ujves Sharku vendi i 12
Jakob Buzhala vendi i 15
Shahistëve tanë të rinjë ju dëshirojmë sukses edhe në garën e radhës, në Kampionatin Individual Evropian për të rinjë i cili do të mbahet nga data: 21.08-01.09.2024, ne Pragë të Çekisë.
Kampionati ekipor i Kosovës është mbajtur nga data 17.05-22.05.2024, në hapësirat e Capital Gate në Prishtinë. Përgjatë tërë kampionatit u treguan lojë shumë cilësore të shahut si dhe rivaliteti në mes klubeve ishte i lartë si për titullin e Kampionit te Kosovës ashtu edhe për mbetjen e klubeve në Super Ligë! Në fund, me plotë meritë doli kampion KSH”Drejtësia-Trokadero” e cila i shënoi 6-fitore dhe pësoi vetëm një humbje nga nën-kampion KSH”Dardania” dhe me 12-pikë nga 14-pikët e mundshme u shpall kampion për të 11-herë. Nga Super Liga u larguan KSH”Vëllaznimi” dhe KSH”Peja” të cilat u klasifikuan vitin e kaluar nga Liga e dytë, mirëpo nuk aritën që ta mbajnë statusin e klubeve të Super Ligës!, në fund plasmani përfundimtarë ishte:
SUPER LIGA:
KSH”DREJTЁSIA-TROKADERO” 12-pikë
KSH”DARDANIA” 10-pikë
KSH”FERIZAJI” 8-pikë
KSH”PRIZRENI” 8-pikë
KSH”PRISHTINA” 7-pikë
KSH”HYZRI TALLA” 6-pikë
KSH”VЁLLAZNIMI” 2-pikë
KSH”PEJA” 2-pikë
Kampioni ekipor i Kosovës do ta perfaqëson Kosovën në Kampionatin Evropian Ekipor i cili do të mbahet nga data: 19.10-27.10.2024, në Vrnjacka Banja, Serbia.
Republikën e Kosovës në Kampionatin Evropian për senior(+65) e cila po mbahet në Terme Čatež të Slovenisë po e përfaqëson reprezentacioni i saj në këtë formacion:
Bedri Sadiku (IM)
Mahmut Xheladini (FM)
Fatmir Bujupi
Xhevat Suhogërlla dhe
Shemsedin Sherifi
Veteranëve tanë ju dëshirojm sukses në këtë garë prestigjioze Evropiane dhe ta perfaqësojnë vendin tonë në mënyren më të mirë të mundeshme!
Gjajtë kampionatit botëror për grupmoshat deri 12-vjeç të mbajtur në Durrës të Shqipërisë, kryetari i FSHK-s Armend Budima zhvilloj një takim me kryetarin e FIDE-s z.Arkady Dvorkovich, ku u bisedua për bashkëpunimin më të ngushtë në mes Federatës Botërore të Shahut dhe Federatës së Shahut të Kosovës si dhe u diskutua mundësia që për herë të parë në historin e FIDE-s një kryetar i saj ta vizitoj Kosovën personalisht! Takimi ishte miqësor dhe biseda ishte e hapur për qështje dhe propozime të ndryshme për avansimin e shahut në vendin tonë ku mbeshtetja e FIDE-s nuk do të mungoj.
Tani edhe ju mund të bëheni pjesë e Federatës së Shahut të Kosovës përmes aplikacionit “DHURO“, ku mund të kontriboni në zhvillimin e shahut në Kosovë përmes mbledhjes së fondeve të cilat drejtëpërdrejt shkojnë në zhvillimin e shahut tek të gjitha kategoritë e saja.
Njoftim: Tani për tani mund të jepni donacioni përmes kartelave bankare, Mastercard dhe Maestro si dhe përmes e-banking nga bankat e Kosovës, e në një të afërme jo të largët edhe përmes karteles bankare,VISA.
Ju falmënderohemi për çdo kontribut të juajin, Federata e Shahut e Kosovës
Nderim Saraçi arin ti unifikoj të tre titujt e Kampionit të Kosovës për vitin 2023, ai pergjatë Festivalit të Shahut të mbajtur në ambientet e Hotelit “AFA” në Prishtinë ariti që ti fitoj titujt e Kampionit në shahun standard,rapid dhe blitz!. Përveq që i fitoj titujt edhe rezultatet e tij ishin mbresëlënëse , në Kampionatin Individual në tempon e lojës Standarde ariti ta fitoj titullin me 9-pikë nga 9-lojë ( rezultat i Fisherit!), në atë RAPID e fitoj titullin e Kampionit me 8-pikë nga 9-lojë ( vetëm dy barazime), si dhe në tempon e lojës BLITZ dul fitues me 13-pikë nga 13-lojë, që tregon performacë fenomenale të tij përgjatë gjithë kampionatit. Nderimit i urojm sukses edhe në rrugëtimin e tij për KRYEMJESHTЁR!
Në garën e femrave, Arlinda Aliu mbrojti titullin e kampiones së Kosovës për femra me fitoren e saj në xhirron e fundit ndaj Lorenda Saraçit. Arlinda grumbulloi 6.5/7, duke fituar gjashtë ndeshje dhe duke barazuar me Jona Reçicën. Ky është titulli i katërt kombëtar i Arlinda Aliut!
Në Kampionatin Botëror për të rinj të zhvilluar në Montesilvano të Italisë ku pjesëmarrës ishin edhe të rinjët nga Kosova në tri kategori ( U14,U16,U18), Rinesa Saraçi e arinë rezultatin më të mirë për femëra ndonjëhere të aritur nga shahistet tona të reja, ajo me 6-pikë nga 11-lojë të zhvilluara radhitet në vendin e 39 në botë nga 86-pjesëmarrëse në kategorinë e saj. Ky sukses i të rinjëve dhe të rejave tona tregon se shahu tek moshat e reja ka filluar të zhvillohet dhe të ketë sukses edhe në arenën ndërkombëtare.
Kampionati Botëror për të rinj 2023 do të mbahet në Montesilvano, Pescara të Italisë nga data: 13.11-24.11.2023. Në mesin e pjemëmarrëseve nga mbarë bota do të jenë këta shahistë të rinj dhe shahiste të reja nga Kosova:
Tek të rinjët:
LIR BASHA (U14)
ALAUDIN SHTAVICA (U16)
AHMET JUSUFI (U18)
Tek të rejat:
RONA SHARKU (U14)
JONA REÇICA (U16)
RINESA SARAÇI(U18)
Në mesin e 187 pjesëmarrësve të moshës deri 14-vjeçare tek të rinjët Kosovën do ta përfaqësoj LIR BASHA , ndërsa në kategorinë deri në moshën 16-vjeçare në mesin e 143-shahistëve nga mbarë bota do ta kemi shahistin tonë ALAUDIN SHTAVICA, si dhe në kategorinë më të fortë të shahistëve të rinj deri në moshën 18-vjeçare në mesin e 129-pjesëmarrësve, Kosova do të përfaqësohet me AHMET JUSUFIN.
Tek vajzat e reja në kampionatin Botëror, Kosovën do ta përfaqësoj tek 14-vjeçaret RONA SHARKU e cila do të jetë pjesëmarrëse së bashku me 130 shahistet nga mbarë bota, ndërsa në kategorinë deri në moshën 16-vjeçare në mesin e 107 shahisteve të kësaj moshe do të jetë JONA REÇICA, si dhe në kategorinë më të fortë tek 18-vjeçaret RINESA SARAÇI do te jetë në mesin e 85-shahisteve më të mira botërore.
Kjo është ngjarja më e madhe Botërore dhe Kosova pas nje kohe shumë të gjatë dërgon shahistet dhe shahistët e rinj më të mirë respektivisht Kampionët e Kosovës të kategorive përkatëse.
Për pjesëmarjen e shahistëve tanë edhe Federata Botërore e Shahut ( FIDE ) ka lëshuar një deklarat ku thotë:
” Shahistët e talentuar dhe premtues nga Kosova janë gati të lënë gjurmë në Kampionatin Botëror të të rinjve FIDE! Delegacioni Kosovar do të shfaqë shkëlqimin e saj në skenën globale prandaj të bashkohemi në mbështetje dhe të brohorasim për suksesin e tyre!”
