Author: shahu.rks

Pas 8-dite garash në Durrës përfundon Kampionati Evropian për klube ku pjesëmarres ishin
edhe 3-klubet më të mira të Kosovës.
Kampion në konkurencen e meshkujve shpallet, klubi i shahut”Offerspill Sjakklubb” nga Norvegjia
e cila në rradhët e veta e pati Magnus Carlsen shahistin më të mirë momentalisht në botë dhe i
cili nga shumë expert të shahut konsiderohet shahisti më i mirë në historinë e shahut deri në
ditët e sotme, ndërsa në konkurencën e femërave kampione u shpall klubi i shahut”Superchess”
nga Rumania.
Klubet e Kosovës patën paraqitje shumë të mirë krahasuar me numrin e klubeve pjesëmarrëse dhe
krahasuar me konkurencën e cila ishte prezente në këtë kampionat, plasmani përfundimtar ishte:

1. Klubi i Shahut” Drejtesia-Trokadero” me 8-pikë zuri vendin e 36-t.
2. Klubi i Shahut” Dardania” me 6-pikë zuri vendin e 55-t si dhe
3. Klubi i Shahut” Ferizaji” me 4-pikë zuri vendin e 72-t nga 84 klube pjesëmarrëse.

Organizimi i Kampionatit ishte në nivel të duhur dhe për këtë lavdatat shkojnë për Federatën e
Shahut të Shqipërisë e cila i tregoj Evropës dhe Botës se organizime të tilla mund të bëhen
edhe në tokat shqiptare.

Kampionati ekipor Botëror i veteranëve për lojtarët mbi moshën (50+) si dhe (65+), do
të zhvillohet nga data 18.09-29.09.2023, në Strugë, Liqeni i Ohrit, në Maqedoninë e Veriut.
Në këtë garë eminente shahu do të marr pjesë edhe ekipi i seniorëve të Kosovës të moshës
mbi 65 vjeç (65+), për herën e parë në historinë e shahut Kosovar.

Ekipi i Kosovës do të jetë në këtë përbërje:

1. Bedri Sadiku ( IM)
2. Mahmut Xheladini ( FM)
3. Xhevat Suhogërlla
4. Sabahudin Kollari
5. Fatmir Bujupi

Veteranëve tanë ju dëshirojmë sukses në këtë garë prestigjioze!

Ka përfunduar kampionati i grupmoshave të reja, njëri nga kampionatet më masovike në historine e re
të shahut kosovar gjë që tregon se interesimi për lojën e shahut po rritet dita ditës në Republikën
e Kosovës.
Ky kampionat u mbajt në hapësirat e mrekullueshme të Kolegjit AAB i cili është partner lojal i Federatës
së Shahut të Kosovës e njëkohësisht edhe institucioni arsimor privat ndër më të mirët në Kosovë.
Përgjatë disa javëve ( vikendeve) u zhvilluan lojë të bukura dhe cilësore gjë që tregon se cilësia
po rritet tek të rinjët dhe ky fakt na bënë të jemi më optimist se të rinjët tanë do te fillojnë të korrin
suksese edhe në arenën ndërkombëtare!
Në përfundim të kampionatit u shpallen këta fitues (kampion) sipas kategorive:
U18 – Ahmet Jusufi
G18 – Rinesa Saraçi
U16 – Alaudin Shtavica
G16 – Jona Reçica
U14 – Lir Basha
U12 – Jakob Buzhala
G12 – Alba Pllana
U10 – Troi Krasniqi
U08 – Jon Pllana

Kampionët tanë do ta perfaqësojne shtetin tonë në garat Ballkanike, Evropiane dhe Botërore.

KAMPIONATI INDIVIDUAL I KOSOVËS PËR GRUPMOSHA TË REJA

Kampionati do te zhvillohet nga data: 17.06.2023-08.07.2023, ne Kolegjin AAB ne Prishtine.
Te drejte pjesemarrje kane femijet e lindur prej dates 01.01.2005 e tutje dhe do te jene
te selektuar sipas ketyre kategorive:

-U8 (viti i lindjes 2015).

-U10 (viti i lindjes 2013).

-U12 (viti i lindjes 2011).

-U14 (viti i lindjes 2009).

-U16 (viti i lindjes 2007).

-U18 (viti i lindjes 2005).

Super Liga e Kosovës për klube do të mbahet nga data 06.05-11.05.2023 në Prishtinë.
Ky edicion mund të konsiderohet si njëra nga garat më të forta të mbajtura ndonjëhere në Republikën e Kosovës
e kjo për arsye se në të si pjesë e klubeve të tyre do ti kemi: 6x(GM),6x(IM),9x(FM), e në mesin e tyre edhe
Kryemjeshtri shqiptar Daniel Dardha me elo-n më të lartë të cilën e ka pas ndonjë shahistë shqiptar i cili
njëkohësisht ishte i 3-ti në kampionatin e fundit individual Evropian të mbajtur në Vërnjaçka Banja të Serbisë.
Pjesëmarrës të Super Ligës do të jenë këto klube:
1.DARDANIA
2.DREJTESIA
3.PRIZRENI
4.FERIZAJI
5.PRISHTINA
6.HYZRI TALLA
7.THERANDA
8.SHARRI
Titullin e kampionit do të tentoj ta mbroj KSH”DARDANIA”nga Prishtina në një konkurencë shumë të fortë të klubeve.